أريد حريتى وبشدة

لأول مرة فى حياتى أبقى عايز حاجه ومقدرش أعملها وأشعر أنى مكبل بالقيود
فرصة عمل بالنسبة لأى شاب فى بداية حياته العملية ولسه بيكون نفسه جيدة جدا
ولكنها امتحنات الدور الثانى تأتى لتقضى على هذه الفرصه بصراحه أنا لسه مش عارف الإمتحانات امتى وهما أسبوعين شغل قبل رمضان بدأ من السبت الماضى ولكنى لم أمتلك المقدره على أن أفتح هذا الموضوع مع أبى
ولعله خير ...........................

فيديو كليب هدية ليا ولأعز أصحابى من حبيب قلبى حسين

ذكريات

أنظر إليك فتسرح عيناى فى عينيك

وأتأمل فيها فأنسى الدنيا وما فيها

فيها رأيت كل ما تمنيت

يتركنى قلبى ويذهب دائما إليك

فى جوارك أشعر بالأمان

ويشعر قلبى بالخوف عليك

عدنى أن تكون لى وأن أكون إليك

ألا تتركنى وتفعل كل ما بيديك

وعدنى إن حال بيينا القدر ॥

ألا تنسانى

ولا تنسى أنى لا أتمنى أن أكون إلا إليك

إلى أغلى الناس على قلبى

يا أغلى صاحب وأغلى حبيب

ودايـمــا مـن قـلـبـى قـريــب

فـى بعدك تشـتاقـلك عيونى

وطـول اللـيـل يسـهـرونـى

عــشـــت قــد مـا عــشـــت

أشـكـال وألـوان قـابـلــت

مـا لقـيـتـش أغـلى مـنك

ولا عـنـدى أعـز مـنك

يا أغلى صاحب وأغلى حبيب

ودايـمــا مـن قـلـبـى قـريــب

شـــايــل عـنـــى هـمـــى

وبـتـداويـلـى جـروحـى

أنــت يـــا حـتـه مـنــى

يا أغلى على من روحى

فى بعدك تشتاقلك عيونى

وطــول اللـيـل يسهرونى

يا أغلى صاحب وأغلى حبيب

ودايـمــا مـن قـلـبـى قـريــب

ربنا ... يستر

النتيجة على الأبواب ... ولأول مره أبقى قلقان مش عارف ليه جايز لأنى خلاص مش هاقدر استنى سنه تانيه علشان أبدأ أحدد مصيرى

خلاص بقيت مستعجل أعرف طريقى المشكلة بقى انى ممكن أتأخر سنه أو أكتر لو فى جيش لا قدر الله .

( بجد ربنا يستر )