إنتخابات وشعارات

تطالب الحكومة المرشحين بالتخلى عن الشعارات الدينية فى الإنتخابات وبالأحرى تقصد الإخوان
مش عارف ازاى مع إن اللى بيفتح محل جديد أول حاجه بيكتبها " إنا فتحنا لك فتحا مبينا " ما علينا إنها مش فى موضعها بس فى الأخر دا يعتبر شعار دينى حتى بتاع التوك توك تلاقيه كاتب " علمت أن رزقى لن يأخذه غيرى فاطمئن قلبى " دى فطره فى الشعب ولا ايه ولو بصيت على مرشحين الحكومة نفسهم اللى هو الحزب الحاكم هاتلاقى الكل كاتب شعارات دينية فى الغالب " وما توفيقى إلا بالله " ثم احنا أصلا دولة دينها الأساسى الإسلام والشريعة الإسلامية مصدر التشريع كما ينص دستور بلدنا فى تانى ماده منه
ولا هيا المشكلة فى " الإسلام هو الحل " ولا المشكلة فى اللى بيقولوها ايه اللى قالقهم بالظبط ........
قالقهم الفضايح اللى بتزيد كل يوم عن اللى قبله

بحبك يا مصر

بحبك يا مصر
وافديكى بالروح
ولو ألف روح
رغم الجروح
العيب مش فيكى
دا العيب عليا
واقف وشايف
اللى بيحصلك بعنيا
وساكت خايف
الدور يجى عليا
واللى بيحصل
يحصل فيا
بحبك يا مصر
وافديكى بالروح
ولو ألف روح
رغم الجروح
كلكوا عارفين
وأنا عارف
ما فيش قوانين
والكل شايف
الحرامى أنتى تركته
والشريف حبك تهمته
كل واحد اختار سكته
وأنا بينهم تايه
خايف أقول على الـ فى قلبى
خايف أعلن حبى
وأبقى من المتهمين
ماشى تايه بين السكتين
لاء وتالته أسكت مع الساكتين
حد ينطق .... حد يجاوبنى
على ايه احنا خايفين
سامعك ياللى بتقولى
يا أخى سيبنا عايشين
طب بزمتك احنا عايشين
من النوم قايمين
وعلى الشغل رايحين
كأننا فى ساقية مربوطين
وتقولى سيبنا عايشين
لاء لا عمرى كنت حرامى
ولا هبقى من الساكتين
هاقولها بعلو صوتى
وأصحى كل النايمين
بحبك يا مصر.. وأفديكى بالروح
ولو ألف روح ..رغم الجروح

ما يحتمه علينا الواجب

من واجبنا نحو مصرنا الحبيبة ألا نطرق بابا فى طريق الإصلاح إلا وطرقناه وها هو يبدأ العد التنازلى لواحد من أكبر تلك الأبواب ألا وهى انتخابات مجلس الشعب وأعتقد أننا تابعنا الدورة الماضية ورأينا بأم أعيننا كم الفساد فى تلك المنظومة التى من المفترض أن تكون الهيئة الرقابية على الحكومة
يتحدث الكثير على أنه ما الفائدة من أصواتنا ؟
أجيب أن ناهيك عن النتائج فإن هذا واجب حتمى علينا تأديته لدفع الفساد فلو أننا لم نختار من يصلح لهذه المهمه فسوف يأتى نائب القمار ونائب ....... وغيرهم الكثير فلذلك لا ينبغى لنا أن نترك أصواتنا تذهب سدى لا بل وأصوات كل من نعرفهم يجب أن نشارك فى اختيار الأجدر بهذا المكان
أعرف أن الكثير يتعجب من هذا الكلام ويعتقد أنى لا أعرف ما يحدث ويتحدث على أنها ستزور فى كل الأحوال فلماذا نرهق أنفسنا
أبسط وأوفى إجابة على هذا هى آيات الله سبحانه وتعالى من سورة الأعراف :
" وَ إذْ قَالَتْ أُمَةٌ مِنْهُمْ لِمَ تَعِظُونَ قَوْمَاً اللهُ مُهْلِكُهُمْ أَوْ مُعَذِّبُهُمْ عَذَاباً شَدِيدًا قالُوا مَعْذِرَةً إلَي رَبِكُمْ وَلَعَلَّهُمْ يَتَّقُونَ(164) فَلمَّا نَسُوا مَاُذُكِّرُوا بِهِ أَنجَينَا الَّذِينَ يَنْهَونَ عَنِ السُّؤِء وَأَخَذْنَا الَّذِينَ ظَلَمُوا بِعَذَابٍ بَئِيسٍ بِمَا كَانُوا يَفْسُقُونَ(165) "
وفى النهاية أدعو الله تعالى أن يولى علينا خيرانا وأن يأخذ بثأرنا من كل من ظلمنا

فى ذكرى الانتصار

ماذا يمثل انتصار أكتوبر لنا ؟

هل لك أحد من أقاربك حضر تلك المعركة ؟ هل سمعت أحدهم يحكى لك عن ما حدث ؟

هل وصفوا لك الروح التى سادت بينهم ؟

لو كانت إجابتك بنعم فسوف تفهم قصدى

عندما كنت أستمع إلى جدى وهو يحكى لى عن هزيمة 67 وعن حرب الاستنزاف كما يحلو لهم تسميتها وهذا اليوم المشهود الذى عمت الفرحه فيه سائر الوطن العربى ليس مصر وحدها كان يتحدث عن الفارق بين هذه وذاك وكيف أن الأمور تغيرت بعد النكسه حين اعترف عبدالناصر بأخطائة وأراد أن يعاقب نفسه بالتنحى ولكن الشعب تمسك به فحاول أن يثبت أنه عند حسن ظنه وهذا ما حاول فعله حين أراد أن يبث روح التضحية إلى قلوب القوات المسلحة بل وإلى المصريين كافه وهذا ما جاء السادات ليكمله بعده حتى كان النصر .

أعتقد أن النكسه ليس سببها قلت عتادنا ولا النصر بعد ذلك كان سببها كثرته ولكنى أعتقد بما حاول جدى إقناعى به وأنه السبب الوحيد والفارق بينهما هى الروح التى سادت فى 73 ولم تكن موجوده من قبل .

إذن فلابد لنا أن يكون لنا فى ماضينا عبرة وعظة أن نستفيد من أخطاء غيرنا لنسرع خطواتنا نحو النجاة

احدى قناعتى :-

(ثورة يوليو لم تكن علامه فاصله فى تاريخ امتنا بقدر ما كانت هزيمتنا فى 67 )

لقد كتب الدكتور البرادعى مقالا فى هذا لمن يريد أن يقرأه ( من هنا ) ويقال أنه السبب الرئيسى وراء إقالة إبراهيم عيسى من رئاسة تحرير جريدة الدستور .

أثار دهشتى

بمدينة المحلة الكبرى فى ميدان الشون وعلى بعد أمتار قليلة من قسم شرطة ثان المحلة تقع الشركة الأهلية للسياحة وبيوم أمس كنت أتجول أنا وأصدقائى مارا بمقر الشركة وفجأة نشبت أمامنا خناقة بين موظف بالشركة واحد سكان المنطقة المحيطة وبدأوا بسب بعضهم البعض ودفع باليد وكثير من الناس يحاولون تهدأت الأمر ولكن سرعان ما جرى هذا الرجل تجاة منطقتة وظهر مرة أخرى حاملا سكينا طويلا ما يقرب من نصف متر وبدأ يلوح بها يمينا ويسارا والناس تحاول أن تتفداه وجرى تجاه موظف الشركة محاولا خبطة بالسكين ففداه الموظف بالكرسى فجرح الرجل نفسه وبدأ بالتلويح مره أخرى ولكن تمكن منه بعض من جيرانه محاولين تهدأته ولكنه تفلت منهم فجأة وكثرة واجهه الشركة الجانبية ثم اختفى 0
لا أعرف اسباب الخناقة او مالذى حدث بينهم لكى يحدث كل هذا ولكن ما يدعو للتعجب حقا هو وجود قسم الشرطة على بعد أمتار قليلة والخناقة استمرت ما يقرب من نصف ساعه ولم نر مخبر حتى أتى ليرى مايحدث على الرغم من أن هناك اثنين من الشركة توجها ناحية القسم بشكل متتالى وكل منهم على حده واحد عند بداية الخناقة والثانى بعد أن كسر زجاج الواجهه والذى يدعو للعجب أكثر هو مرور احدى عربات الشرطة من أمامنا ووقفها لتشاهد ما يحدث وترى هذا الرجل شاهرا سكينتة وتمضى فى طريقها غيرأبه بما يحدث وأن يأتى ظابط المرور ليقف بجوار الخناقة فقط ليمنع التكدث المرورى الذى حدث نتيجة لوقوف الكثير من العربات لتشاهد ما يحدث
فهل هذا أمر طبيعى أن يحدث ؟ كنت فى غاية الاندهاش عندما رأيت هذا بالرغم من أنى معتاد على مثل هذه المشاهد فى منطقتى ولكنى كنت أظن أن بعدنا النسبى عن قسم الشرطة هو السبب فى أن يتأخر حضور رجال الشرطة إلى ما بعد الحدث بساعه على أقل تقدير بالرغم من أن المسافة لو جايين مشى كبيرها ربع ساعه طيب ده بيحصل ومافيش فرق بينه وبين القسم أمتار يعنى لو الظابط طلع ايده من الشباك وهو قاعد على مكتبة هايلم اللى بيتخانقو اللى بيتفرجوا كمان
فين الخلل المشكلة فين ؟
وأطرف كتير من هذا الموقف هو ماحدث معى ليلا أثناء مرورى على ابن عمى فى مكتب اتصالات (سنترال) والده اللى هو يبقى عمى واذ يدخل علينا شاب لذيذ ما اقدرش اقول عليه غير كده ويقول لابن عمى عايز اشحن لواحد فى الحجز الشحن هايوصله ولا ايه فبكل براءه يجيب ابن عمى لو معاه سبكة يبقى هايوصله فيلاحقه الشاب اكيد معاه شبكة انا لسه قافل معاه دلوقتى فيأخذ ابن عمى منه الرقم ويشحنله شئ غريب
فى مره شفت فيلم لعادل امام مش فاكر اسمه بصراحه هو كان محامى وكان متجوز يسرا فى الفيلم ده المهم ان كان بيحكى عن راجل واصل واتحبس وعادل امام كان رايح يعرض عليه يطلعه براءه حاجه زى كده وكانت الزنزانه اللى محبوس فيها الراجل ده ولا كأنه أوتيل خمس نجوم تليفزيون وتليفون وحاجه اخر حلاوه كنت أعتقد أن الكلام ده روايات افلام ملهاش علاقه بالحقيقة
ماهو بالعقل كده مش معقول هنعاقب مجرم على جريمة هو عامله بان احنا نعزله عن الحياه فندخله الحياه معاه فى السجن

مش عارف ده يبقى اسمه ايه ؟