قانون المرور الجديد !!!

أبدأ كلامى عن قانون المرور بخبر قرأته على نافذة مصر وهو :-
احتكار مرور الفيوم بيع الطفايات إلى للسيارات يلا بجملة المحتكرات فى البلد .
لمطالعة الخبر اضغط هنا
وبدأت الحكايات تنهال على أولها ضابط مرور يوقف سائق ميكروباص وينزع الحزام وكان مربوطا ويقول له ( مش لابس حزامك ليه ... مخالفه 100 جنيه ) فيرد السائق مندهشا ( ياباشا ما هو كان مربوط ) فيسب الضابط السائق ويقول وكمان بترد على فين رخصتك غرامه 500 جنية . من الواضح ان ميزانية السنة دى هاتشهد مصادر دخل عاليه على رأسها قانون المرور.
تانى طرفه بجملة الطرف:-
ضابط مرور يوقف فيزبا صاحبها برأس ضخمه ويسأله عن الخوذه فيجيب اتفضل يا فندم الفلوس أهيه وهاتلى خوذه أنت أنا بقالى أسبوعين دايخ على خوذه على مقاسى مش لاقى أجيب منين.

المدرسين والكادر!!!...

منذ فترة ليست بالقليلة وعدت حكومتنا مربين أمتنا وصانعين مستقبلنا بالكادر الخاص. ثم بدأت كاعدتها بالمماطلة وأخيرا طلعت بحجة جديدة وهى (لكى يصل الكادر) إلى من يستحقة.
امتحانات الكادر:-
مهزلة تاريخية ،المدرسين يستعدون الأن لخوض مارثون الكادر الخاص فى تنافس شديد ،إقبال شديد على موقع الوزارة بحثا عن نماذج الإمتحانات وملخص المواد.
( وعود بأن الإمتحانات هاتكون فى مستوى المدرس المتوسط )

هل هؤلاء فوق القانون .. أم أنهم غير مصريين !

(إخوان أون لاين) يضبط سيارات المسئولين المخالفة لقانون المرور

رصد (إخوان أون لاين) مخالفة كبار المسئولين بالدولة لقانون المرور الجديد دون مساءلة قانونية رغم وجود خدمات مرورية في الشوارع التي مر بها المسئولون.

معانا الضحك مش بفلوس ...

أغبى 5 أسئله فى العالم

أختي أخي حاول ذهنيا تحل الأسئلة

هذه قصة واحد غبي اشترك في مسابقة جائزتها مليون دولار

بدأت المسابقة بالسؤال الأول :

س1/ كم استمرت حرب المائة عام؟

• 116
• 999
• 100
• 150

صاحبنا فكر كتير واختار انه يحذف السؤال مافي مشاكل نشوف السؤال التاني

س2/ اين تصنع قباعات بنما؟

• البرازيل
• تشيلي
• بنما
• الاكوادور

صاحبنا اختارانه يستعين بصديق

السؤال الثالث:

س3/ في اي شهر يحتفل الروس بثورة أكتوبر ؟

_أكتوبر

_يناير

_سبتمبر

_نوفمبر

ما قدروأخذ رأي الجمهور

س4/ اي من هذه الأسماء هو اسم الملك جورج السادس؟

_جون

_البرت

_جورج

_مانويل

صاحبنا طلب حذف اجابتين وتوصل للاجابة بصعوبة السؤال الاخير

:س5/ ما هو الحيوان الذي اشتق من اسمه اسم جزر الكناري ؟

_طائر الكناري

_الكنغر

_الجرو

_الفأر

هنا صاحبنا انسحب من المسابقة وما قدريكمل

لا تستعجل لا تعتبر نفسك أذكى :::بس لو فكرت نفسك أذكى من أخينا بتكون غلطان

جواب السؤال الأول : استمرت حرب المائة عام 116 سنة من عام 1337و حتى 1453

جواب السؤال الثانى :صنع قبعات بنما في الاكوادور

جواب السؤال الثالث : يحتفل الروس بثورة أكتوبر في نوفمبر

جواب السؤال الرابع :الاسم الأول للملك جورج السادس هو البرتجواب

السؤال الخامس : جزر الكناري اخذت اسمها من الجرو... حيث ان اسمها اللاتيني هو Insularia Canaria

فيلم هندى .. واضحك من قلبك

"أميتاب باتشان" وهو شباب لسه راكب الفيل بتاعه ورايح الشغل، وكالعادة- أصله بيشتغل ضابط- وهو راكب قاعد يغنِّي بالهندي أغنيته المفضلة: "واركب الفيل.. درجن درجن.. واتفيَّل.. درجن درجن، ساعتين في اليوم.. وأشد الخرطوم.. ولا هييييييه.." يسمع وهو راكب صوت طفلة رضيعة بتعيَّط، يدِّي إشارة شمال، ويركن الفيل على جنب، وينزل يلاقي طفلة رضيعة لسه في اللفة جنب الجامع، يتأثر جدًّا أميتاب من منظرها الرقيق، فيغني لها نص ساعة وهي كمان تغني له نص ساعة، ياخدها يحطّها على الفيل عشان الفيل يوصلها البيت، ويروح هو شغله، عشان عندهم النهاردة تعديل دستور الهند!!.
وهو ماشي يبص ع اليُفَط المتعلقة في كل أنحاء البلد: "الرئيس شوهان يرفض التوريث"، يبتسم ابتسامة هندية، ويقول بالهندي: الشعب ده هندي!!.
المشهد الثاني
تفوت سنين.. أميتاب راجع من شغله- وعلى فكرة لسه شباب برضه- وداخل البيت البنت اللي كان لاقيها قدام الجامع كبرت بقت عروسة هندي، يعني يحبها وتحبه، يغني لها نص ساعة، وتغني له نص ساعة.
وفجأة تيجي العصابة بتاعة الراجل الشرِّير حوالي ستين واحد عشان يخطفوا البنت؛ عشان هي دي البنت الوحيدة في الهند كلها اللي الراجل الشرير الوِحِش عايز يتجوِّزها.
أميتاب يعدِّل شعره بإيد وشغال ضرب في الرجالة بإيده التانية، يخلص على الستين واحد كلهم بمسدساتهم بمطاويهم، بس للأسف ضافر واحد منهم خدش دراعه.
حبيبته تجري عليه، تغني له نص ساعة، ويغني لها نص ساعة، أغنيه "جرحوني وقفلوا الأجزخانات"، وياخدها ويقرر يتجوِّزها، ويجري على البيت بسرعة؛ عشان عندهم النهاردة تعديل دستور.
وهو ماشي يبص ع اليفط يلاقي مكتوب: "الرئيس هوجو يوجا شاهي شوهان يرفض التوريث".
المشهد الثالث
تفوت سنين.. أميتاب باتشان راجع من شغله- وبجد بجد لسه شباب برضه- يدخل البيت، يلاقي ست كبيرة وعجوزة جدًّا، نكتشف أن هيه دي الطفلة الصغيرة اللي لقاها قدَّام الجامع، فجأة تيجي العصابة تخطفها قدامه، المرة دي يجري وراهم بالفيل الفور باي فور لغاية ما يوصل لبيت الراجل قليل الأدب الشرير اللي أكيد عنده تمساح، يدخل البهو الكبير يلاقي الراجل واقف والست متعلقة من رجليها في السقف، يدور بعنيه ع التمساح، يسأل الراجل بالهندي: "التمساح بتاعك فين يا عم؟!"
يرد الراجل: في البير اللي فوقه مامتك.
يتعجب أميتاب بالهندي!!: مامتي؟!.
يرد الراجل بشماتة: أيوة.. الست دي أمك.. نياهاهاهاهاهاه.
ينظر له أميتاب وهو يضحك ويقول في سرّه: عبيط ده وللا إيه؟!.
يتأثَّر جدًّا أميتاب ويراجع بالهندي نشيد: "أمي نداء محبة.. بل إن كل الحب أم".
ويمسك وجه الست بحنان ويقول لها: إنتي أمي؟
ترد الست: أيوة يا أميتاب يا ابني.. أنا مارضيتش أقوللك ع الحقيقة المُرَّة دي وأنا في اللفّة، وعشان تصدق شوف دي.
تطلَّع له سلسلة فضة عليها صورة واحد ما يعرفوش
أكيد ده أبويا؟!
ترد عليه: لا يا بني.. دي صورة واحد معرفهوش.
يغني لها نص ساعة، وتغني له نص ساعة، يحضنها أميتاب بإيد كالعادة ويخلص ع العصابة بالإيد التانية، وطبعًا يخلي التمساح ياكل الراجل الشرير الثافل الوِحِث.
يخرج من القصر يقول لأمه: انجزي يا حاجة عشان عندنا النهاردة تعديل دستور.
ينظر إلى اليفط المتعلقة: "الرئيس حادي بادي كرنب زبادي شالو حطو كله علادي هوجا يوجا شاهي شوهان يرفض التوريث"
المشهد الأخير
تفوت سنين.. أميتاب باتشان راجع من شغله- بجد بجد بجد لسه شباب برضه- يلقى الست أمه بقت عجوزة أوي.
فجأة ييجي واحد شباب على موتوسيكل يطخُّ الولية عيارين، يجري وراه أميتاب بالفيل، يكتشف أن الراجل ده يبقَى حفيد الراجل الشرير، يقتله أميتاب باتشان ويرجع لأمه، يغني لها نص ساعة، وتغني له نص ساعة.
الست تقول له- وهي بتموت-: أميتاب يا بني.. أنا عايزة أقول لك على سرّ: أنا مش أمك، أنا أبقى جدتك، والراجل اللي إنت قتلته ده يبقى ابن أخت المخرج، والراجل الشرير يبقى خالك، وابن الراجل الشرير يبقى عمك، والعصابة كلها إخواتك في الرضاعة.
يصرخ أميتاب باتشان من الصدمة، ويغني نص ساعة، وهي تغني نص ساعة، والواد المقتول يغني نص ساعة.
الست المجهولة دي تقول له: "انت مش مستعجل ليه؟! هو مفيش تعديل دستوري النهاردة؟.يرد أميتاب: النهاردة الخميس.. أجازة من التعديلات.
تموت الأم.. يلفها أميتاب بقماش من بتاع اليفط مكتوب عليه: "الشعب أساسًا يقبل التوريث".

حلمى الجميل

الحلم الجميل
يوم ما يزول الليل
ويرجع النهار يشقق
والعصافير فيه تزقزق
وألاقى المسجون
كان بيتاجر فى الأفيون
أو للبنوك مديون
وما ألاقيش فيها مظلوم
وعن حقه كان بيدافع
أو صاحب رأى حر
ولصوته كان رافع
الحلم الجميل
يوم ما تكون الحريه مكفوله
والقوانين بيها معموله
و الإنتخابات بحرية
مش بينا سخريه
الحلم الجميل
يوم ما يزول كابوس
شعب بقاله 25سنه محبوس
وعايش فى الفقر منحوس
والعالم كله على كرامته بيدوس

هو دا بقى حلمى الجميل ... يا ترى جميل فى رأيكم ؟!

باجور منفس ..... وما تستغربش

مستغربين ليه !! العنوان شكله غريب .
طيب وايه فى حياتنا مش غريب ، المهم أنا قصدى ايه ؟ نحكى الأول العنوان .. زى ما انتوا شايفين ( باجور منفس ) أيام زمان أيام البواجير (أصلح بواجير الجاز) لو كان الباجور بتاعنا منفس كنا بنعمل ايه ؟!
أقولكوا أنا ، كنا بنقعد نديله نفس جامد واتنين وتلاته فيقوم يقعد معاك 5 دقائق وبعد كده يهدا فنرجع نديله نفسين تلاته يشتغل تانى .
زمانكوا بتقولوا يا عم زهقتنا بواجير ايه وكلام فاضى ايه ده اللى انت بتقوله !! أنت عايز تقول ايه ؟!
أقولكوا .... أنا بس كنت بضرب مثل ياريت ماتنسوش موضوع الباجور المنفس ده !
طبعا كلنا لسه مخلصين الإمتحانات اللى خلصى من أسبوعين أو 9 أيام زيى !
المهم أنا لما كنت بمتحن كنت بتمنى مجئ الأجازة بفارغ الصبر طبعا زهقان من الإمتحانات ! والأهم كان فى دماغى حاجات كتيره أوى مخطط أعملها !!
بس لما الأجازة جات ؟!
ما عملتش حاجة ، ولا أى حاجة . قاعد على النت أو بتمشى ويا أصحابى . واللى كنت مخطط له طار فى السما (زى عصافير الجنة اللى كنا بنطيرها زمان ) يعنى باجور منفس عرفتوا بقى العنوان فايدته فى ايه ؟
لخص شويه .. معلش استحملونى
طيب المهم أنا هاعمل ايه دلوقتى فى ناس (ربنا يخليهم ليا عامليه بيدوا فى مليون نفس مش بس اتنين) لازم يبقى عندى دم وأتحرك بقى !!
أجازه طويلة عريضة وأنت بقى عندك 20 داخل على 21 ودفعتك اتخرجت السنة دى ..... إلخ
جمل كتير تتردد على مسامعى وكل أما أسمع الكلام ده أفتكر أنى كنت مخطط لأجازة لون تانى . طلعت ورقى اللى كنت رامى فيه أفكارى .
وقبل أما أبدأ قراءة افتكرت انى كنت أول حاجة مخطط لها علشان أحقق الباقى هى ( علاقتى مع ربنا ) وأهم حاجه كنت شايفها فى العلاقة دى هى صلاة الفجر .... لذلك قرار رقم (1) المحافظة على صلاة الفجر فى جماعه ودى هاتجيب اللى بعد كده .
وبعد كده أبدأ أرتب أفكارى وأنفذها متخذا بذلك الخطوة الأولى على طريق مستقبلى .
ماشى يا سيدى ربنا يوفقك ، احنا مالنا بالكلام ده ، عايز مننا ايه ؟!
خلاص أنا خدت اللى أنا عايزه ! كنت عايزكوا تقولولى ( ربنا يوفقك ) .

يا اما احنا خرص .. يا أما هما ما بيسمعوش ! أو بيسطعبطوا وده أكيد

دى أول حاجة جات على بالى لما قريت خبر الاستفتاء الذى أجرته " منظمة وورلد أوبينيون أورجانيزيشن الأمريكية " عن أكثر الرؤساء الموثوق بهم من شعوبهم .

الخبر كما ورد فى موقع الحزب الوطنى نقلا عن جريدة الأهرام المصرية يقول :
مبارك أكثر زعيم يثق به شعبه بين شعوب العالم استطلاع للرأي في أكبر‏20‏ دولة‏:‏ ‏94 %‏ من المصريين يؤكدون قدرة رئيسهم علي إدارة الشئون الدولية .

وبعدين قريت على نافذة مصر :

بالبحث فى المواقع التى ورد ذكرها فى الخبر فى كل من جريدة الاهرام المصرية وموقع الحزب الوطنى وبالرجوع اليها وجدنا فعلا ان : استطلاع الراى كان بين 8 من قادة وزعماء دول العالم وهم بالترتيب (الامين العام للامم المتحدة بان كى مون ، ورئيس الوزراء البريطانى براون ، وبوتين ، والرئيس الصينى هوجينتاو، والرئيس الفرنسى ساركوزى ، الرئيس الايرانى احمدى نجاد، الامريكى بوش ، والرئيس الباكيستانى مشرف ).

ملحوظة بريئة : اين اسم الرئيس مبارك ؟؟؟!!!

د. مصطفى محمود.. مشروع فكري ومؤسسة خيرية

الدكتور مصطفى محمود.. نموذج فريد بين أبناء جيله الذين غلب عليهم اختيار اليسار فكرًا، والمادية منهجًا، لكنه تميَّز عنهم باستمرار البحث والتنقيب ليخلص إلى نتيجة مهمة مثلت منهجه في الحياة والكتابة، وهي التي لخصها في قوله "أنا خادم لكلمة لا اله إلا الله محمد رسول الله".

هذا التطور الفكري الخطير نقل مصطفى محمود إلى الدائرة الخضراء لينتصر للإسلام وقضية الإيمان بالله واتخاذ العلم طريقًا إلى الإيمان وجعل التعمق في العلم سبيلاً إلى الإيمان؛ ولذلك لم يكن غريبًا أن يتحوَّل برنامجه "العلم والإيمان" إلى مشروع ثقافي يدخل كل بيت فيلقاه أهله بالترحاب وينتظرون زيارته كل أسبوع.

والآن يمر الدكتور مصطفى محمود بظروفٍ صحيةٍ منعته من التواصل مع مَن أحبوا أسلوبه في الكتابة وحديثه الذي يجمع بين العلم والإيمان.

وكان من الوفاء أن يبادر اتحاد الأطباء العرب إلى تكريم الكاتب الكبير في حفلٍ شارك فيه المفكر الإسلامي الكبير الدكتور محمد عمارة، والكاتب الصحفي فهمي هويدي، والكاتب الصحفي لويس جريس، ومحمد عبد القدوس عضو مجلس نقابة الصحفيين، والفنان عبد العزيز مخيون، والدكتور أحمد نور الدين نائب رئيس جمعية مصطفى محمود، والشيخ عصام تليمة، وإبراهيم عكاشة مخرج حلقات برنامج "العلم والإيمان".

أجمع المشاركون على أن الكاتب الكبير هو أحد المفكرين القلائل الذين أثَّروا في الحياةِ الثقافية والسياسية في مصر، مشيرين إلى أنه جمع بين العقل والقلب في رحلته الفكرية الصادقة، فوصل إلى قمة الوسطية التي مكَّنته من خوض معارك ضد غلاةِ العلمانيين والصليبيين الغربيين والصهيونية اليهودية والمادية والإلحاد والغلو الديني.

وأكد الدكتور عبد المنعم أبو الفتوح الأمين العام لاتحاد الأطباء العرب وعضو مكتب الإرشاد لجماعة الإخوان المسلمين ضرورةَ أن يستمر التواصل مع الدكتور مصطفى محمود في أزمته الصحية الحالية، مشيرًا إلى أن احتفاء اتحاد الأطباء العرب إنما هو اعترافٌ وتقديرٌ بالطبيب المفكر المبدع، وأحد رموز الثقافة الإسلامية ومصر التي نعتز بها، وأحد المفكرين القلائل الذين أَثْرَوا الحياة الثقافية والسياسية في مصر.

وقال د. هشام الحمامي مدير المركز الثقافي: إن الدكتور مصطفى محمود عمل في بداية حياته طبيبًا في تخصص المخ والأعصاب، واختار أن تكون حياته كلها بعد ذلك في إنارة "مخ" الأمةِ كلها بنور العلم والإيمان.
وتساءل: "لماذا غابت حلقات "العلم والإيمان" عن إعلامنا الرسمي والفضائيات رغم أن الدكتور مصطفى محمود بسَّط من خلالها نظريات العلم وربطها بالإيمان بالله، وجذب بسطاء الناس إلى استيعاب أدق النظريات بروحٍ إيمانية عالية؟!".

ووصف د. محمد عمارة الدكتور مصطفى محمود بأنه لم يكن مجرَّد مُفكِّر ولا كاتب، وإنما كان ظاهرةً فكريةً تُمثِّل أحد معالم العصر الذي نحياه.

وشبَّهه ببديع الزمان النورسي الذي تفرَّغ لإثبات الإيمان من خلال الطبيعة في وقتٍ كان أتاتورك ينشر ويمهَّد للإلحاد والمادية في تركيا، مشيرًا إلى أنه كان حارسًا على الإيمان، وقاد تجربةً متميزةً في إدراك عظمة الإسلام في مصر.

وأشار إلى أنه نشأ في جيلٍ لا يرى إلا بعين الغرب أو بعين التراث الإسلامي، ولكنه تميَّز بأنه رأى بعين الاثنين؛ حيث رأى الآخر وتعمَّق في الإسلام فأدرك من عظمةِ الدين ما لم يدركه الآخرون.

وقال عمارة: "إنه جمع بين العقل والقلب في رحلته الفكرية الصادقة، فوصل إلى قمة الوسطية التي مكَّنته من خوض معاركه ضد غلاة العلمانيين والصليبيين الغربيين والصهيونية اليهودية والمادية والإلحاد والغلو الديني والعنف".

وأشار الكاتب لويس جريس إلى أن د. مصطفى محمود رغم كونه أديبًا ومفكرًا، إلا أنه انفرد بتواصلٍ فريدٍ مع قارئه؛ حيث أوجد كنزًا اجتماعيًّا كبيرًا عن حياةِ المصريين من خلال باب "اعترفوا لي"، قاده إلى الإيمان الذي برز فيه استجلاء معانيه.

وذكر وهو يبكي مشهدَ انحناء مصطفى محمود لتقبيل يد مَن عارضوه بعد نشره حلقات التفسير العصري للقرآن الكريم، مؤكدًا أنها جلبت له عذابًا أليمًا، ولكنه تقبَّلها بنفسٍ راضيةٍ؛ لكونه صادقًا مع نفسه.

وقال عنه الكاتب الكبير فهمي هويدي: "مصطفى محمود حمل ثلاث علامات فارقة في حياته؛ أولاها أنه رجل شجاع وصادق مع نفسه، وثانيها أنه حاز قدرة فذة على الربط بين العلم والإيمان والتوافق بينهما، وآخرها وأهمها أنه عبَّر عن تدينه بما ينفع الناس".

وأكد ضرورة أن يتحوَّل المتدين إلى طاقة نفعٍ للناس، وأن يقلل الدعاة من كثرةِ الكلام، وأن يكثروا من الأفعال، مشيرًا إلى أن مصطفى محمود مثَّل نموذجًا حيًّا نفع الناس، سواءٌ عبر جمعيته أو عبر علمه.

وأشار محمد عبد القدوس إلى أن مصطفى محمود عبقري قلَّما يُوجد مثله في هذا الزمان، مرجعًا عبقريته إلى نموذج مسجده الفريد في تصوره وخدماته ونقلته العلمية الإيمانية النادرة في برنامج العلم والإيمان، وخُلقه العالي وتميزه في معاركه الفكرية، وكونه يجيد العزف على الناي والعود، فكان جسر تواصل بين الدين والفن دون تفريطٍ أو إفراط.

ووسط تصفيقٍ استمر دقائق أهدى د. عبد المنعم أبو الفتوح السيدةَ أمل كريمة الدكتور مصطفى محمود درع اتحاد الأطباء العرب.

وفي تصريحٍ خاصٍّ لـ(إخوان أون لاين) عقب تكريم والدها قالت أمل مصطفى محمود: "والدي صورة جميلة للتسامح والحب والعطاء والتكافل الاجتماعي، والحرص على نهضة الأمة الإسلامية من خلال إصلاحها ونشر الأمر بالمعروف والنهي عن المنكر"، مضيفةً أنه يملك روحَ إنسان فليسوف وقلب طفل محبٍّ للحياة والخير، وشديد التسامح للعالم كله.

خلال حفل التكريم تم عرض تسجيل صوتي للدكتور مصطفى محمود لإحدى حلقاته، التي أكد فيها أن "عظمة الدنيا غير عظمةِ الآخرة؛ فمن الممكن أن يكون الكبيرُ صغيرًا، وأن يكون الصغيرُ كبيرًا يوم القيامة؛ فعلامة القياس يوم القيامة الأخلاق والقيم؛ فمَن علا فيها في الدنيا علا في الآخرة".

منقول عن موقع إخوان أون لاين